Video Discription |
Rubimburirangabo lyrics
Ndamutsa se ndebe uko usa Rubimburirangabo rwa Ngoma y'Ingoga, Ngabo ije ibasumba cyane. Wahanitse uhana ushinga icyo gitondo, Urenza umugoroba. Zavuze ari nyinshi ga za ngoma, Zisuka zisubiza ngo zikubambure, Waranze uranina, wowe Rubimburirangabo.
Twahamagaje imiduri n'inganga zinihira, Twahamagaje abivuga, twakomenye no mu mashyi, Twahamagaje abaririmba, bararoha urumva. Uriyangira uranina, wowe Rubimburirangabo.
Twashatse ko uvuka wa mwaka turangije, Ngo uze tukuririmba, tuwusoze tugusekera Rubimburirangabo, Wariyangiye wowe Rubimburirangabo.
Nahamagaye abisi, inyamibwa ndaziranda ziruta iz'akaganda, maze bose brahamagara Bati: izi nyamibwa ni wowe zizihiye, Ngwino Rubimbura, Rubimburirangabo. Wararahiye uti: sinza Keraka uyu mwaka ninywurenza hagataha undi Nutangira muzumva mvuze nti: njyewe ndavutse Uwa Rubangukanabigwi inka nzayesa mu mihigo. Ndi Rubimburirangabo.
Rubimburirangabo ryateye mu gicuku Umwaka mushya utangiye Uti: ndaje, mumpe intwaro, Mumpe umuheto, nimumpe n'icumu, Mumpe ingabo, mumpe inkota inagana mu bitugu Ntabare uyu mwaka njye ndawubimbuye, Ndi Rubimburirangabo.
Ngwino se Nyamibwa, nyamibwa y'imbere, Ngwino se turamukanye, Rwizihiramihigo. Ngwino undamutse se, shinjagira ndebe, Korera icumu neza, kamata iyo ngabo, Ngangare y'imihigo, ngwino turamukanye. Uraho Rubimburirangabo.
Ndamutsa se ndebe uko usa Rubimburirangabo rwa Ngoma y'Ingoga, Ngabo ije ibasumba cyane. Wahanitse uhana ushinga icyo gitondo, Urenza umugoroba. Zavuze ari nyinshi ga za ngoma, Zisuka zisubiza ngo zikubambure, Waranze uranina, wowe Rubimburirangabo.
“Rubimburirangabo” RUGAMBA Sipiriyani |